標題:
我條魚係紅扯旗
發問:
我想話我d魚仔紅扯旗成日要一群..仲有牙!!佢地好驚人..我換水個振佢仲驚..但佢地又成日跳出黎架..我個{江}冇氧氣果d不過人地話要水喉水因為有水喉水先有氧氣..咁應該唔使用個d啦!!其實講咁多只係想問......點解佢地會咁驚我!?都幾個星期啦喎= =lll每次換水都係咁
最佳解答:
此文章來自奇摩知識+如有不便請留言告知
１．魚仔紅扯旗成日要一群．．．佢地好驚人 燈魚（tetra）多少都有群游習性。但凡緊張佢地就算平時唔係咁肯群游都會走埋一堆。呢個係天性，英文叫做 safety in numbers，用意係一大群咁游時，獵食者都唔知追邊條好，分散左注意力，就大家都有機會走得甩。 ２．我換水個振佢仲驚．．． 其實換親水，點都有支管（軟喉又好，手動泵支硬喉都好）插入水，魚一定會驚，除非你動作好慢，令佢地唔覺有威脅。 但咁唔代表你嚇到佢地雞飛狗走都正常。換水時最好始終都係慢同細動作，唔好係咁挖沙、推木／石。ｄ魚困o係個缸度，冇得走，俾你都驚啦。缸細的話更大問題。 ３．佢地又成日跳出黎 水位高唔高？係魚都會跳（笨重如金魚就冇得好講啦），燈魚普遍都跳得缸。以下情況都會令佢地受驚：俾魚追／突然有大聲（如關門）／突然光度轉變（開燈熄燈電視電腦）／水出現震盪（如加水／用手拍缸）。咁你識做啦。 最簡單令魚有安全感o既方法係俾地方佢地躲藏，如水草同木石。紅扯旗係中下層魚，有呢ｄo野佢地受驚就會好自然游埋去，咁就唔會跳。 ４．水喉水先有氧氣 當然有啦，你唔會用蒸餾水卦？ 如果你個過濾器係掛濾或頂濾，出水係沖落水面的話，會有助空氣溶入缸水，咁唔用氣泵都可以。否則氣泵就係必備器材。 ５．都幾個星期啦喎 「點解會驚你」我相信我上面都分點答左啦。唔係時間問題，係你o既行為／俾佢地o環境問題。你做ｄ佢地正常都會驚o既事，佢地有幾多時間都唔會習慣。 好似我咁，一行埋個缸，ｄ魚就撲埋o黎前面玻璃，一有o野放近水面，佢地就以為有o野食。呢ｄ佢地係從經驗學到o既，但唔代表唔驚我。如果我換水／捉魚／插草拔草，大動作的話ｄ魚一樣驚，但慢動作的話，ｄ魚會啄我食手，蝦仔仲衰，游上o黎手度好似食藻咁夾夾下，原來都痛架。 所以呢，輕ｄ手啦。 2008-08-15 19:03:15 補充： 「水喉水同普通既水樽水都差唔多, 氧氣唔會多得去邊」 非也。樽裝水入樽前相信都會加溫消毒，水溫高溶氧量就會低，因為空氣分子得到能量會氣化逃出大氣；蒸餾水更加。所以連種花o既人都唔會用煲過o既水淋花。 水喉水無錯，泵入喉後就冇乜機會再溶氧，但本身o黎向水塘，唔會好低o者。一條魚放入兩升缸仔，用水喉水可以養住一日一夜起碼。煲過o既水我就唔忍心咁試啦。
其他解答:
講真, 水喉水同普通既水樽水都差唔多, 氧氣唔會多得去邊, 要水中有氧, 就要溶d氧落去, 主要係從高空倒水落去, 沖入氧氣~ 水喉水用之前要養水, 水喉水有氯氣, 要放出黎過夜一至兩日, 水即使有氧氣, 但唔係無限量供應, 會有用完既一刻~ 所以我覺得你最好買返個濾水器or氣泵會好d, 如果唔係遲早缺氧死魚嫁~ 魚驚人係正常, 就好似你見到一個比自己高幾十倍既人一樣, 你都會驚, 唔係話養佢養得耐就唔會驚你, 如果係咁, 世上就一定無晒d驚人既魚啦= = 佢地跳缸, 最好係缸頂放蓋去擋住佢地, 如果唔係跳走晒d魚~ 有某部分魚係唔嚇得, 所以你應該盡量唔好走近走得咁快, 慢慢行近去睇, 同埋放係一個陰暗少少既地方度啦~ 2008-08-15 18:25:28 補充： 仲有個方法避免佢跳缸, 係個缸度種多d草, 水草可以比佢地藏身, 你接近佢地果時, 佢地又唔係幾見到你, 咁樣就唔會跳啦~ 呢d都係睇d高手答人問題睇返黎=v=
留言列表
